بالوں کو گرنے سے روکنے کا آسان گھریلوعلاج
اگر آپ کے بال گرنا شروع ہوجائے تو گھبرائیں مت، یہ گھریلو نسخہ آزمائیں اور بالوں کو گرنے سے بچائیں،
اس کے لئے ایک آئل بنالیں، جس کا طریقہ کار درج ذیل ہے۔
ہیئر آئل بنانے کا اجزائے ترکیبی
نیم کے تازے پتے
گلاب کی پتیاں
لونگ اور میتھی دانے
سرسوں کا تیل اور کسٹر آئل
ہیئر آئل بنانے کا طریقہ
نیم کے تازے پتے لیں اور فرائی پین میں ایک تہہ بچھادیں، اس پر گلاب کی پتیاں ڈالیں، ان دونوں تہوں پر
لونگ اور میتھی دانہ ڈالیں، بعد ازاں سرسوں کا تیل اور کسٹر آئل ڈال کر ہلکی آنچ پر پانچ منٹ تک
گرم کریں، گرم کرنے کا مقصد اس کا رنگ تبدیل کرنا ہے۔
چولہے سے اُتارنے کے بعد اسے کسی شیشے کی بوتل میں سات دن تک دھوپ میں رکھیں، سات دن
بعد تیل تیار ہوجائے گا، جن افراد کے کسی وجہ سے بال گرتے ہیں، وہ اسے استعمال کریں۔
یہ گھریلو علاج اے آر پی ڈیجیٹل کے پروگرام گڈ مارننگ پاکستان میں ڈاکٹر امہ راحیل نے بتایا،
پروگرام میں سوالات کا جواب دیتے ہوئے ڈاکٹر امہ راحیل نے بتایا کہ تیل کو گرم کرنے کے بعد
لازمی طور پر شیشے کے جار میں رکھیں، پلاسٹک کا برتن ہرگز استعمال نہ کریں۔
ڈاکٹر امہ راحیل نے تیل میں گلاب اور نیم کے پتوں کو شامل کرنے کی وجوہات بیان کرتے ہوئے کہا کہ
ان دونوں پتوں کے استعمال سے دماغ کو تازگی ملتی ہے۔
