اب تکلیف دہ جلدی امرض سے نجات ممکن

سنگاپور: انسانی جلد میں سیل کی نئی قسم دریافت ہوئی ہے، یہ دریافت ایٹوپک ڈرماٹائٹس اور

چنبل جیسی سوزش والی بیماریوں کے علاج میں معاون ثابت ہو سکتی ہے۔

 

تفصیلات کے مطابق بین الاقوامی سائنس دانوں اور کلینیکل ماہرین کی ایک ٹیم نے انسانی جلد میں

سیل کی ایک نئی قسم کا انکشاف کیا ہے، جو ایٹوپک ڈرماٹائٹس

(atopic dermatitis) اور psoriasis (PSO)

یعنی چنبل جیسی سوزش والی جلد کی بیماریوں کی وجہ بنتی ہے۔

اس مطالعے کے نتائج ستمبر 2021 میں جرنل آف ایکسپیریمنٹل میڈیسن میں شائع ہوئے، سائنس

دانوں کا کہنا ہے کہ اس دریافت کی وجہ سے اب جِلد کے کئی امراض کو بہتر طور پر سمجھا جا

سکے گا، اور علاج کی نئی راہیں کھلیں گی۔

 

شدید سوزش والی یہ دونوں جِلدی بیماریاں دراصل ایک فعال ٹی سیل کی ذیلی اقسام کی موجودگی

کی وجہ سے لاحق ہوتی ہیں، یہ ذیلی اقسام جِلد کے اندر سوزش بڑھانے والے سائٹوکنز (چھوٹے پروٹینز)

خارج کرتے ہیں۔ یہ ٹی سیل والی مدافعتی (امیون) بے ضابطگی جلد کی متعدد بیماریوں

میں مرکزی کردار ادا کرتی ہے۔

 

طبی ماہرین کا کہنا ہے کہ اس طرح، صحت مند اور بیمار جلد میں ٹی سیل کی کارکردگی اور فعالیت

کو تبدیل کرنے والے عوامل کو سمجھنا ان بیماریوں کے مؤثر علاج کی کلید ہے۔

 

ماہرین نے کئی تندرست اور مریض افراد کا جائزہ لیا اور بتایا کہ پی ایس او کے مرض میں ڈینڈرائٹک خلیات

کی تعداد بڑھی ہوئی ہوتی ہے، انھوں نے اسے جلد میں نئے قسم کا خلیہ

قرار دیا اور اسے CD14+ DC3 کا نام دیا گیا ہے۔

 

اب اسے سمجھ پر چنبل کا علاج کیا جا سکتا ہے، اس کے علاوہ جلد کے پورے حیاتیاتی عمل کو بھی سمجھنے

میں مدد ملے گی۔ تحقیق میں شامل مرکزی سائنس دان پروفیسر فلورینٹ جنہوکس کے مطابق

ایٹوپک ڈرماٹائٹس اور سورائسِس جیسے امراض ایک عرصے سے ہمیں پریشان کر رہے تھے،

اب نئے انکشاف سے انھیں سمجھنے میں مدد ملے گی۔

Leave a Reply

Your email address will not be published. Required fields are marked *