عید الاضحیٰ: سعودی عرب سمیت مختلف ملکوں میں آج عید الاضحیٰ منائی جارہی ہے
جکارتہ، انڈونیشیا میں آج عیدالاضحیٰ کی نماز باجماعت کا منظر (20 جولائی 2021؛ فوٹو: اے ایف پی)
مسجد الحرام، مکہ مکرمہ اور مسجد نبوی، مدینہ منورہ میں کورونا وبا سے متعلق احتیاطی تدابیر پر عمل کرتے ہوئے نمازِ عید ادا کی جاچکی ہے جبکہ پورے سعودی عرب میں سنتِ ابراہیمیؑ پر عمل کرتے ہوئے قربانی کا سلسلہ جاری ہے۔
منیٰ، مکہ مکرمہ، جدہ، مدینہ منورہ اور سعودی عرب کے دیگر شہروں میں خصوصی مذبح خانوں کا اہتمام کیا گیا ہے۔
واضح رہے کہ پاکستان اور بھارت سمیت کئی دوسرے ممالک میں عیدالاضحیٰ کل یعنی 21 جولائی 2021 کو منائی جائے گی۔
